عمرو موسى ..ليه لأ ؟
في هيصة دخول المرشحين المستقلين للانتخابات الرئاسية العفيفة في مصر المحروسة ..رغم علمهم ويقينهم الكامل بعدم
قدرتهم على جمع ولو 10أصوات من المجالس النيابية ..غاب عنا الفارس والصقر العربي عمرو موسى
أكيد عمرو موسى شخصية معروفة لأبسط مواطن مصري ..مشهور بشخصيته القوية وثقته الكبيرة في نفسه وكاريزمته العالية ..وحاجات كتير تأهله ليكون الأنسب -على الاطلاق- في المرحلة المهمة دى في تاريخ مصر ..اللى بنتحول فيها من دولة أفراد لدولة مؤسسات..لكن معملهاش عمرو موسى
للأسف الشديد في الهيصة دى..كنا محتاجين واحد نتلم حواليه..واحد تتفق عليه أغلب الأوساط الشعبية والسياسية في عزبة مبارك وشركاه -عرفت قديما باسم مصر بكسر الميم- ويكون فعلا ينفع رئيس جمهورية
لكن نعمل ايه ؟ ..باين علينا فقريين..وهنفضل نتمرمغ في تراب الوطنى كتير ..وادينا في انتظار البرامج الانتخابية لمرشحينا الأبرار عباقرة بلاد النيل ..عشان نشوف الـ20% اللي فاضلة مين هياخد أكبر نسبة فيها..والبقاء لله
posted by Haitham at
2:24 AM
4 Comments:
عمرو ما عملهاش لانه كبير والكبار دايما بيفرقوا بين الجد والهزل وهو عارف زى كل الناس اللى تعرف الريس كويس ان دى مسرحيه وان ما فيش حاجه اسمها انتخابات ولا ديولو دى حاجه كده لزوم المرحله الجديده يعنى شوية مكياج على وش الديكتاتور العجوز
التغيير فى مصر لن ياتى بهذه الطريقه ولكن بطرق اخرى نعلمها جميعا
ان الثورة تولد من رحم الاحزان
By
shady, At
7:49 PM
فعلا ياشادى ..واضح ان الأمور رايحة في اتجاه واحد .. انا قالها الحل في السي أر
By
Haitham, At
11:37 AM
من طلب الامارة هربت منه ..ومن طلبته الامرة سعيت له
المشكله الحقيقيه يا شادي ان مجرد وجود عمرو موسي في الانتخابات ديه كان ممكن تضيف ليها بعض الجديه
...........
بس اقولكم هنتستغرب ليه بصوا كويس لصورته؟؟
يا مزاجك العالي
By
Hany Mihanny, At
11:48 AM
أنا شايف ان لو كان عمرو موسى رشح نفسه كانت الانتخابات هتبقى جدية جدا ..على الأقل كنا ممكن نحتار شوية في رأيسنا القادم
By
Haitham, At
9:21 AM
Post a Comment
Subscribe to Post Comments [Atom]
<< Home