بـحـــــــــــــــــــــر

Saturday, August 13, 2005

رسالة إلى الوالي


من كام يوم كدة كنت في مكتبة مبارك ..المكتبة اللى منت علينا ماما سوزان-أكثر الله من أمثالها وعلاها ورفع شأنها- وعملتها لنا..لفت نظري كتاب اسمه (القوة الرئاسية والرؤساء المعاصرون) لكاتب اسمه ريتشارد دمويشتات ..الكتاب بيتكلم عن رؤساء مشهورين ومصادر قوتهم وكمان طريقة تقييم الرؤساء..أنا جيت على النقطة دى وقلبي نط وطلع يجري ..الكاتب بيقدم أربع أسئلة لرئيس الجمهورية عشان نقدر نقيم فترة حكمه ..وبمناسبة قرب انتهاء الفترة الرئاسية المليون للرئيس مبارك -حفظه المولى ورعاه وأيده بنصره وحماه - ..أحب اوجه له الأربع أسئلة دول نقلا عن الكتاب
السؤال الأول
ماذا كانت أهدافه وهل صارت في اتجاه التاريخ أو ضده ؟ وهل كانت وصيلة الثقة بالأحداث العالمية الجارية ؟
السؤال الثاني
شعوره أو فهمه الانساني لطبيعة قوته ؟
الشوال الثالث
موقفه من ضغوط الرئاسة ؟ وما الذى جعله يصمد كشخص في مواجهة الاحباطات اللازمة للمكان ؟ وكيف كان موقفه منها ؟
السؤال الرابع
ماذا كان تراثه ؟ وما الذى تركه على وظبفة الرئاسة وعلى طابعها ومكانتها العامة ؟
طبعا احنا كلنا عارفين الاجابات كويس ..ممكن تساعد بابا مبارك وتجاوب معاه ؟

9 Comments:

  • بجد أسئلة جامده اوى ومحتاجة يقعد كده مع نفسه ويمسك قلم رصاص بأستيكه -عشان هيشطب كتير اوى - ويحاول يجاوب

    By Blogger Bent Masreya, At 1:24 PM  

  • حرام عليك امتحانك صعب قوى
    منك لله انا بحملك المسئولية لحسن يسقط فى امتحانك و بعدين يعيد السنة و احنا ما بنصدق سنة تعدى عليه
    ادعى معايا يتخرج بقى

    By Blogger Mr-Biboooo, At 3:43 PM  

  • هو كان عنده أهداف ساعة لما مسك الحكم أساسا عشان يسألوه إيه هي؟؟
    ده واحد إتقتل و النائب بتاعه جه بداله

    By Blogger sydalany-وش مكرمش, At 4:27 AM  

  • اقولك انا يا سيدى
    اهدافه كان اولها جمع اكبر قدر من المال علشان يبقى عمل حاجه للعيال
    والهدف التانى هو جعل مصر ولايه امريكيه واعتبر ده توافق مع احداث التاريخ التى انهت الاتحاد السوفيتى
    بالنسبه لقوته هو طبعا كان فهمها كويس ولسه فهمها لحد دلوقتى وهى تنبع من رضا الساده فى البيت الابيض عنه
    اما بالنسبه للاحباطات فلا اعتقد ان اى مؤثرات شعوريه تؤثر فيه لان البعيد جبله
    اما تراثه فهو جعل فى يقين الجميع ان رئيس الدوله ما هو الا صعلوك ينتظر الرضا من عتبات البيت الابيض ويجيد فن التسول من كل دول العالم
    وبرغم كل هذا الذل فهو اسد علينا ينشر بيننا الرعب والاحترام الواجب من خلال جهاز بوليسى غايه فى الانسانيه

    By Blogger shady, At 5:36 AM  

  • مش عارف اٌقولك ايه يا شادى ..اجاباتك موفقة جدا ..تستحق تدخل المعتقل والله :)

    By Blogger Haitham, At 1:29 PM  

  • مبارك رئيس بالصدفة .. واصي بالعافية ياصيدلاني

    By Blogger Haitham, At 1:31 PM  

  • صحيح يابيبو ..لو سقط وعاد السنة هتبقى مصيبة ..ودى الحاجة الوحيدة اللى مش هتتزور

    By Blogger Haitham, At 1:34 PM  

  • يابنت مصرية ..دا راجل في دوامة ومش عاوز يفوق منها ..دا لو صارح نفسه مرة واحدة هيشرب ماية نار

    By Blogger Haitham, At 1:36 PM  

  • Where did you find it? Interesting read »

    By Anonymous Anonymous, At 5:30 AM  

Post a Comment

Subscribe to Post Comments [Atom]



<< Home