عن الصراع الداخلي
سامحوني لو كان كلامي مش مترتب ..أو كله تخاريف في تخاريف لإنى دلوقتي بافضفض -قرون استشعار بقى والكلام ده - .. ايه اكتر حاجة ممكن تدمر الواحد وتقضي عليه ؟ ايه أكتر حاجة الواحد مايقدرش يستحملها وبتطارده بلا هواده -جامدة دى-في أى مكان يكون فيه ؟ .. ايه هيا ؟
أنا شايف انها الصراع الداخلى اللى بيدور جوا كل انسان ..لكن بتختلف درجته من انسان لآخر تبعا لظروف ولعوامل كتير ابرزها طريقة التفكير ..وهنا لازم نفصل بين التفكير والصراع الداخلى ..لان الفرق كبير منهم
أكيد التفكير وحوار النفس مع العقل والجسد حاجة مهمة جدا لازم تتوفر في كل انسان ..لكن لما المشاكل تزيد وتتحول المشاكل لديناصورات .. بنبدأ نحس بخطر ..لأن ساعتها بيتحول التفكير لصراع داخلي حول حل لمشكلة أو تفضيل بين متعددات ..أو عناد مع شوق لحبيب ..أو اختيار لرئيس جمهورية ..أو لأى حاجة تانية ..ساعتها الواحد بيحس انه هيتجنن خلاص ..وانه دماغه دى هتفرقع
وبما انى من المتأثرين حديثا بموضوع الصراع الداخلى ..فلو حد عنده حل للصراع الداخلي يقوله بسرعة قبل ماتجنن بجد
posted by Haitham at
2:19 PM
8 Comments:
حلا لهذا الصراع الداخلى اعتقد انك تقفل التلفزيون زماتقراش جرايد وماتدخلش على النت وسيبك من التجول بين البلوجات العربيه وحط فى دماغك ان نتيجه الإنخابات ظهرت ومبارك بأه رئيس المرحله الجايه وروح اسكندريه .. بس إوع تغرق
By
Ahmed Shokeir, At
11:21 PM
أنا شايف كدة برده ياأحمد ..اعتزال الحياة شوية هو الحل
By
Haitham, At
3:48 AM
انت مش عارف تختار مين الموضوع تافه يا صديقى والله لانه ما فيش منهم حد يستاهل وبعدين تروح تنتخب ليه وانت عارف النتيجه مسبقا
واللى يجرب فى المتجرب مخه مخرب
ريح نفسك وخذ نفس عميق واتفرج على فيلم رومانسى
By
shady, At
6:31 AM
لا فيلم رومانسي ولا حاجة ياشادى .. أنا رايح أريح شهرين ..عاوز حاجة تصبح على خييييييييييير
By
Haitham, At
11:54 AM
لا بص.. لو قصدك ع الإنتخابات و الكلام دة.. بص روح ع البلوج عندى ح تلاقى الحل السحرى للمشكلة من الأول للآخر..
يعنى الإستعدادات كاملة..
لكن لو قصدك على أنواع الصراع الأخرى يبقى الحل أنا وإنت نحجز من دلوقتى سريرين فى السراية الصفرا.. أنا سمعت إنهم ح يشحوا من السوق قريب
By
Lasto-adri *Blue*, At
3:06 PM
لست أدرى ..أسعار السراير في السرايا كام ..كتير ..لو رحتي ابقي احجزى لي واحد مدى الحياة
By
Haitham, At
1:48 PM
This is very interesting site... Eastlake antique cabinet hardware franklin chef 44 lbs ice machine installation information Longest penis ever recorded paper printed stationery Family discount dental plans Playstation 2 2c parental control reset Personnal stationery Divorce while pregnant ohio Gibson housewares and dishwasher safe isuzu assender fine stationery made of 100 anti virus grisoft
By
Anonymous, At
3:25 AM
Enjoyed a lot! 1970 oldsmobile delta 88 custom cruser powerball Mattress waterbed mattress replacement cars Anti nortan virus Dodge intrepid parts levitra online Dodge dart with hemi info on valtrex dietary+supplements Acceptable cholesterol Vitamin d and level access+provider+internet+service Zoloft and strattera interactions dildo interracial Culinary arts school united states Business cards stationery
By
Anonymous, At
5:26 PM
Post a Comment
Subscribe to Post Comments [Atom]
<< Home