بـحـــــــــــــــــــــر

Wednesday, September 28, 2005

مع الملك

بحـــر ينفــرد .. أول حديث مع الملك بعد تنصيبه رسميا
الحكمة التى يؤمن بهـا .. الجديد عند الملـك .. أنا مبحسش
استقبلنى ملكنا المعظم بابتسامته المعهودة .. وبساطته المعروفة .. في خص بسيط يجلس فيه أمام قصره المهيب
وكان هذا الحوار .. ه
بحر : في البداية أحب أهنيك بتتويجك رسميا ملك للبلاد
الملك : الله يخليك .. الموضوع كان أبسط من كدة بكتير
بحر : ياترى ايه إحساسك بعد تتوجيك بإرادة الشعب
الملك : خد انفراد ليك .. أنا مابحسش
بحر : ناس كتير بيشككوا في صحتك .. خصوصا إن سنك الأصلى معروف للجميع
الملك : دول ناس فاضية .. وولاد كلب .. أنا بمب بمب بمب .. حتى أسأل الملكة .. ولا على أيه
فاصــــــــــــــــــــــــــــــل
بحر : لأ صحة ياعرب .. فعلا ناس فاضية وولاد كلب
بحر : وياترى بعد فوزك الكاسح .. في جديد هنشوفه
الملك : أكيد في جديد .. والله أنا بقالى 24 سنة شغال .. وأنتوا حاسين .. عشان كدة الست سنين دول هاقضيهم استمتاع
بحر : ايه سر السوالف البيضا اللى شوفناك بيها فى خطاب التنصيب ؟
الملك : لأ دى بس من فرحة الفوز .. وبعدين جيمي قاللى أعمل كدة .. ابقى اسأله هو
بحر : وبعيد عن السياسة ووجع دماغها .. ايه أكترأغنية بتحبها ؟
الملك : وراك أنا والزمن طويل
بحر : وحكمة بتؤمن بيها
الملك : مبارك لمصر ومصر لمبارك
بحر : حلم بتحلم بيه
الملك : أفوز في الأنتخابات اللى جايه
بحر : واحد بتثق فيه
الملك : ولى العهد .. الأمير جيمى
بحر : كلمة لجلالة الملكة سوزى
الملك : كل عام وأنتى حبيبتي
بحر : وكلمة للأمير علاء
الملك : شد حيلك .. أنا سيبك تأمن مستقبلى
أنا سيبك تأمن مستقبلى .. وبهذا ننهى حوارنا الشيق مع جلالة الملك المعظم - حفظه المولى ورعاه وأيده بنصره وحماه - ولا عزاء في شعب عندكم
عاش الملك .. عاش الملك .. عاش الملك

10 Comments:

  • هيثم حرام عليك صحتك والله
    كاترين هيوز بتقول إنها مبسوطه جدا من الديمقراطيه فى مصر والإنتخابات الرئاسيه وبتتمنى إن المسيرة تكتمل وأن تكون الإنتخبات البرلمانيه بنفس المستوى
    والملك هو الملك

    By Blogger Ahmed Shokeir, At 6:43 AM  

  • صح.. ما داهية لياخد الانتخابات الجاية ..يعملها ده قادر

    By Blogger ابن مصر, At 3:53 PM  

  • ده مشملك ده كتابة

    يعنى لانه مكتوب علينا

    By Blogger Mr-Biboooo, At 9:17 AM  

  • أبو حميد
    ماهو قال إن الانتتخابات اليرلمانية هنكون بنفس المستوى .. ماهو الملك بقى نعمل أيه

    ابن مصر
    والله بجد أنا مقلق أحسن يعملها ويدخل الانتخابات الجاية .. ده راجل صخة وقادر

    بيبو
    مين بس اللى كتبه علينا .. حاجة تقرف

    By Blogger Haitham, At 10:41 AM  

  • اتمام

    By Blogger littilemo, At 12:12 AM  

  • هيثم

    اللهم انى صائم وحسبى الله ونعم الوكيل

    By Blogger Taher, At 7:55 PM  

  • انتخابات شبه نزيهة
    المعارضة تفوز بكراسي اكثر
    الحكومة تنضف نفسها حبة
    يعملوا منصب رئيس وزراء بصلاحيات جديدة

    جيمي ينط يبقي رئيس وزراء

    مبارك يمضي
    صلاحيات الرئيس تكون لرئيس الوزراء

    وتوتة توتة
    خلصت
    الحدوتة

    By Blogger ibn_abdel_aziz, At 12:30 AM  

  • قد كانت الثورة ..و اصبح شعب مصر يحكم نفسه بنفسه ...أخيرا انتهى زمن الجمهوريه المباركه!!!!!!

    By Blogger La brize, At 2:44 AM  

  • الحمد لله محدش شافك من الناس المعارضين الوحشين وانت بتعمل الحديث ده مع الملك كان .... وكل عام وانتم بخير

    By Blogger سندباد مصري, At 6:52 PM  

  • Very nice site! » »

    By Anonymous Anonymous, At 8:09 PM  

Post a Comment

Subscribe to Post Comments [Atom]



<< Home